I dag er det 150 år sidan Aasmund Olavsson Vinje døydde. Om morgonen 30. juli 1870 blei han funnen død i senga på garden Sjo i Gran, hos venen prost Anton Christian Bang. Han ligg gravlagd ved Systerkyrkjene på Granavollen, der Hadeland dialekt- og mållag kvart år på 17. mai legg ned ein krans frå kommunane Vinje og Gran, etter at ein innbeden gjest har halde den årlege Vinje-talen. I kveld har òg laget tilskipingar i Systerkyrkjene til minne om Vinje (sjå hadeland-dml.no/hendingar).