På landsgymnaset eg gjekk på i 1960-åra, var krigsretorikk av Winston Churchill puggepensum – slik tilfellet vel var på engelsklina over heile landet. Eg måtte visst bli samtidshistorikar for å komme meg ut av den indoktrineringa som så mange nordmenn er påverka av – at Churchill var mannen som redda Europa frå nazismen. Denne utbreidde misoppfatninga har sommarens statue-debatt mint oss på.