Det er mange forhold og hendingar i dag som peikar mot at demokratiet i den vestlege verda er truga. I Frankrike tek folk til gatene fordi landet lenge har vore styrt av ein elite frå det same miljøet, eit miljø som ikkje ser behova til den vanlege franskmannen. I USA, der ein må vere mangemillionær, eller ha svært rike vener for å bli president, er det vanskeleg å sjå at ‘mannen i gata’ kan nå fram gjennom vanlege politiske kanalar. Her må store folkemengder ut i gatene for å nå fram. Det enorme byråkratiet i EU er også på sitt vis eit trugsmål mot folkerett og demokrati.