Til helga er det ny runde i Premier League. Nordmenn banker seg på nytt framfor TV-en i håp om nye små og store mirakler. Det er lett å snakke om religion og fotball i same andedrag. For mange fotballfans er laget viktigare enn det meste. Stadion er katedralen, fotballsongane gjer gåsehud og samhald, drakta og skjerfet er stolte symbol på tilhøyrsle. Uventa gode kampresultat er «mirakel», og avgjerande mål, redningar eller taklingar kan gje deg tittel som «frelser» og du vert for alltid innskrive i fansens stolte bok. Mellom kampane kjem «dagens ord» på rekke og rad: overgangsrykte, skadeproblem, taktikk og statistikk held liv i kjærleiken, i samtalen og fellesskapet mellom fans, og i håpet om seier i neste kamp.

Lars Gule, Gina Lende, Anne Kalvig og Helene Næss skriv om religion i Klassekampen kvar torsdag.