PLAN: Fire statsrådar var til stades då regjeringa lanserte handlingsplanen sin med 50 tiltak mot rasisme og diskriminering. Planen vart lagd fram i Oslo i går av statsminister Erna Solberg (H), kultur- og likestillingsminister Trine Skei Grande (V), justisminister Jøran Kallmyr (Frp) og barne- og familieminister Kjell Ingolf Ropstad (KrF). Planen består av nye tiltak og vidareføring og forsterkning av eksisterande tiltak, og gjeld frå 2020 til 2023. Handlingsplanen har ni definerte innsatsområde: Kunnskap og forsking, møteplassar, debatt og demokrati, barn, unge og utdanning, arbeid, bustad, straffesakskjeda, offentlege tenester og internasjonal innsats. ©NPK