TIL VENSTRE: I går starta forhandlingane mellom byrådspartia, SV og Sp i Bergen om nytt budsjett for kommunen. SVs Mikkel Grüner seier han håper forhandlingane fører fram. – Då vi avslutta forhandlingane i november, opna vi opp for nye rundar dersom byrådspartia ønskte det. Vi la inn som føresetnad at vi skulle halde fram der vi slutta, seier han. Det er særleg kravet om å auke sosialhjelpssatsane som har vore vanskeleg. Spørsmålet er om dei skal skruast opp til det Statens institutt for forbruksforsking vurderer som naudsynt. Grüner seier at det truleg vil ta fleire dagar før partia eventuelt vert samde. Vert dei det, vil budsjettframlegget vere sikra fleirtal i bystyret. GW