I Klassekampen 19. november imøtegår statsråd Iselin Nybø mi formulering om at «.. Iselin Nybø har og hindra Universitetet i Tromsø i å utrede utdanningstilbodet på Nesna..». Dette er feil, seier statsråd Nybø, og understrekar at vår formidling må vere sannferdig. Etter å ha delteke i debatten om endring av studiestadsstrukturen ved Nord universitet gjennom det siste halve året, vil eg sterkt støtte eit ønske om sannferdig argumentasjon. Og det er sant at statsråden i fleire samanhengar har sagt at ho ikkje vil hindre UiT i å greie ut utdanningstilbod på Nesna og at ho har sagt at ho ikkje vil gripe inn i verken UiT eller Nord sin autonomi. Det er vidare sant at UiT har sagt at det aldri har vore aktuelt for dei å ta over lokale, tilsette eller verksemda som Nord har hatt på Nesna. Men skal vi vurdere om ein argumentasjon er sannferdig, så nyttar det ikkje å trekke einskilde setningar ut frå sin kontekst.