Eg skreiv i går om den unge mannen tilsett som innkallingsvikar i Coop Trøndelag via eit bemanningsbyrå, og om dei dårlege vilkåra han hadde der, spesielt når det gjaldt løn. Eg fekk raskt telefonar frå leiinga i Coop, som ville vita om desse opplysningane kunne dokumenterast, for om dette var sant, ville dei ta tak og rette opp med ein gong; dei legg vinn på å alltid betala tariffløn. Eg kontakta kjelda mi igjen – noko eg sjølvsagt skulle ha gjort før eg skreiv noko – og det visa seg at det han huska av tal når vi snakka saman ikkje stemde. Lønsslippen visa at han får utbetalt tariffløn. Heller ikkje dei andre opplysningane eg kom med i innlegget kan han gå god for, viste det seg. Så kjære Coop og kjære bemanningsselskap, ta imot mi utvitydige orsaking for at eg skreiv dette utan å sjekka meir. Hadde det vore sant, ville det vore god grunn til å bli opprørt. Eg er glad for at eg tok feil, og at de har arbeidstilhøva på stell.