I ein kronikk 29. juli kritiserte eg årsrapporten «One Year Closer 2019», som tek føre seg implementeringa av FNs berekraftsmål, for ikkje å rapportere om anstendig arbeidsliv under berekraftsmål 8. Arbeids- og sosialminister Hauglie svara i Klassekampen 9. august at eg driv svartmaling av det norske arbeidslivet. Rapporten skulle blant anna ta føre seg korleis arbeidslivsorganisasjonane og det offentlege følgjer opp berekraftsmåla. Under mål 5, likestilling mellom kjønna, er det skildra kva som er stoda for likestillinga i Norge i dag, frå kjønnsfordeling på Stortinget til vald i nære relasjonar, og kva tiltak som er sette i verk for å sikre meir likestilling.