Du kan bla til neste sideBla med piltastene

50 millionar rensefisk døyr årlegMattilsynet krev human handtering av fisken

Flittig fisk får ikkje vekse

OppdrettGunnar Wiederstrøm, (tekst og foto), Austevoll
LITEN HELT: Rognkjeksen i Torangsvåg vart klekt som larver for åtte månader sidan. No er dei kring 25 gram tunge og eter opptil 300 lakselus. Når laksen vert slakta, ender også livene til Rognkjeksen. Dette vil Mattilsynet og oppdrettarane gjere noko med.

LUS: Bruk og kast av den lusetande rognkjeksen har skapt nye problem for laksenæringa. No vil oppdrettarane at den skal seljast som matfisk.

I dei fem meter høge saltvasskara sym fleire tusen små måneforma blågrøne rognkjekser i ring. Ljoset er dempa. Det er sett straum på vatnet og fisken sym i straumretninga. Sett frå oppsida minner det om ein mosaikk av runde flisar i ustoppeleg rørsle. Hos Austevoll rensefisk i Torangsvåg er dei kring 25 gram tunge, 10 centimeter lange fisken i det store karet klare for å plukke lakselus i oppdrettsanlegga.