I Klassekampen 17. juni skreiv eg kronikk om at det no er kyrkja sin til tur til å be homofile om orsaking. Kronikken gir ein historisk gjennomgang av kyrkja sitt forhold til skeive. Kristin Gunleiksrud Raaum (leiar i Kyrkjerådet) og Gard Sandaker Nilsen (leiar i Åpen folkekirke) kommenterer i Klassekampen 22. juni at eg berre fortel «halve sanninga», fordi eg ikkje går detaljert inn på hendingar det siste tiåret. Som historikar er eg opptatt av dei lange linene. Poenget med kronikken var å vise at kyrkja opp gjennom historia har fronta fordømming og utestenging.