Vi har alle lyst til å forstå kva ord og namn tyder. Ofte kan vi ikkje sjå det med ein gong, og må gå til ordbøker eller andre oppslagsverk for å finne ut av det. Dersom ein ikkje gjer det, kan det oppstå såkalla folkeetymologiar, som er ein folkeleg måte å forklare ords opphav på. Stadnamnet Makrellbekken i Oslo er eit godt eksempel på folkeetymologi: Fyrsteleddet har ikkje noko med fisken å gjere, det kjem av eldre markskjell, som tyder grense mellom marker.