Sylfest Lomheim skriv no sist i språkspalta si at Blåvarp kan koma ut av blod og difor tyda stad der det vert kasta blod. Her burde Sylfest ha slege upp i Oluf Rygh som skriv at det gamalnorske skapet er Brúarvarp. Framlekken hev difor ikkje noko med blod å gjera, men er ein genitiv ut av brú. Voksteren úa til å er heller vanleg, og liknande dissimilasjon av r til l finn me i Blårud, like attmed Sanderud, i Stange og Bruflat i Etnedal, uttalt Blåflatt.