The Hollywood Reporter melder at regissør Sofia Coppola og skodespelar Bill Murray skal samarbeida att, femten år etter suksessen med «Lost in Translation». Det er Apples komande strøymesatsing som har ført dei saman for å laga far-dotter-dramaet «On the Rocks», der Murray skal spela mot Rashida Jones. Filmen blir produsert av A24, som stod bak Barry Jenkins’ Oscar-vinnar «Moonlight», og som no skal levera mykje innhald til Apple.