Hoffet til dronning Anne (1665–1714) er scenen i Giorgios Lanthimos’ «The Favourite». Den historiske satiren er den greskfødde regissørens tredje engelskspråklege film, og han fornyar den britiske spesialdisiplinen kongeleg kostymedrama. Det at monarken her er ei kvinne som omgjev seg med og rådfører seg med kvinner, styrer både handling og tematikk i «The Favourite». Filmens politiske brodd og ulike illusjonsbrot minner om Sally Potter («Orlando»).