Netflix-filmen «Bird Box», som vart slept rett før julehelga, har fått lunken mottaking frå kritikarar, men skal ifølgje nettselskapet sjølv vera årets store julehit på filmfronten. Ifølgje Aftenposten er den apokalyptiske thrilleren med Sandra Bullock i hovudrolla sett av 45 millionar sjåarar på ei veke. Filmen har fått mykje blest ved at hovudrollene sin bruk av bind for augo har vorte eit såkalla internettmem, altså parodiert i tallause variantar av publikum.