Pressa dekker ofte sjølvkøyrande bilar som ein nært føreståande teknologirevolusjon. Me vart difor glade då Bjørn Vassnes drøfta dette som samfunnsfenomen i artikkelen om autonome køyretøy og «sporvognsproblemet» (Klassekampen, 8. november). I dette tankeeksperimentet står ein ved ein sporveljar og ser eit tog på veg mot fem arbeidarar. Skal ein dra i spaken slik at toget kjem over i eit spor med berre ein arbeidar, eller la toget køyre over fem? I den moderne varianten er toget bytt ut med ein sjølvkøyrande bil, og det etiske valet programmert inn i denne.