«Æsj, hun røyker!» kjem det frå ei spak gutestemme bak meg. Morten Joachim og Riksteatret har verkeleg laga ei bestemor i Roald Dahls ånd. Ho røyker, er vulgær og ser ut som ein Quentin Blake-illustrasjon frå bøkene hans. Ulla Marie Broch er morosam i rolla som bestemor, og ungane klukkler omkring meg då ho får i seg medisinen og motvillig byrjar å hoppe og danse, som ei filledokke i hurtig film.