SVEKKA: Ap og SV meiner rehabiliteringa i fengsla vert svekka av dei årlege byråkratikutta i staten. I Bergen fengsel er det kutta i aktivitetstilbod.
– Det vert kutta i det som fungerer i fengsla, det som gjer at dei som sonar i dag vert gode naboar for deg og meg når dei kjem ut. Når rehabiliteringa sviktar, risikerer vi å sende farlege kriminelle attende til lokalsamfunn og nabolag, seier Maria Svensrud-Aasen (Ap), stortingsrepresentant og talsperson for kriminalomsorg.