Det har med rette vore skrive mykje dei siste par åra om dei urovekkjande verknadane av masseturismen fleire stader i Noreg. Eg bur sjølv i Ålesund. Derifrå er det ikkje langt til Geiranger, så eg har sett denne utviklinga på nært hald. Men kanskje skal vi òg snu linsa og sjå på kva for Noreg vi presenterer for turistane, og kva vi sjølve gjer med landet vårt? Eg har nett vore i Gudvangen og reiste sjokkert derifrå.