I Klassekampen sin kronikk 13. juli kallar stortingsrepresentant Arne Nævra frå SV den 1000 kilometer lange Kyststamvegen Kristiansand – gjennom heile Vestlandet til Trondheim – eit pengesluk og luftslott. Nærva, som er medlem av transport- og samferdslekomiteen, syner mellom anna til Rogfast til 18 milliardar kroner og bru over Bjørnafjorden til 20 milliardar kroner. Desse to prosjekta vil knyte saman to fylke med samanlagt ein million menneske ferjefritt, og redusere reisetida mellom Bergen og Stavanger frå fire til to timar når vegen er ferdigbygd.