I går kom dei første internasjonale meldingane av «Mission: Impossible 6. Fallout». Dei som følgde Tom Cruise og hans skadde fot minutt for minutt gjennom telelinser retta mot Preikestolen i fjor, kan gle seg over at dei var vitne til solid filmhandverk. Christopher McQuarrie har skrive og regissert den nær to og ein halv time lange actionfilmen. Den sjette, men også ein av dei beste og vittigaste i serien, meiner bransjebladet Screen. Og «Tom Cruise er enno ei naturkraft».