- Bergen har eit nær 60 år gamalt akvarium kalla Akvariet i Bergen. Akvariet er ein av dei store turistattraksjonane i byen, men er også mykje nytta av bergensarane. Då ungane var små, var eg innom minst ein gong i året for å sjå pingvinar, selar, fisk, krabbar og anna som lever under havoverflata. Ungane ville gjerne gå dit oftare, men eg meinte ein gong fekk vere nok. Dei seinaste tiåra har det kome krypdyr til: slangar, frosk, salamander, øgler og krokodillar. Det kom fram at nokre av desse krypdyra var lista som utryddingstruga og var smugla til landet av ein italienar. Det vart ei ripe i lakken på Akvariet, men ikkje noko som har truga omdømmet til denne bergenske institusjonen.
Akvariet
Dagboka
