Du skal ikkje lese mykje i polske aviser og blad før det slår deg kor mange av artiklane som dreier seg om historie. Faktisk er det slik at ei av dei viktigaste konfliktlinjene i polsk politikk om dagen dreier seg om den nære historia. Dei nasjonalkonservative makthavarane har jobba lenge og målmedvete for å få det slik. Dei har gjort historieforteljinga til ein politisk ressurs som dei brukar og misbrukar slik det passar dei. Dette er historiepolitikk. Der blir visse minne framheva – samstundes som andre blir trengde vekk.