I 2017 vart det gjort endringar i kapittel 9a i Opplæringslova, som omhandlar dei krava elevane kan stille til det sosiale miljøet dei møter i sin skulekvardag. Endringane inneber at skulen skal vise nulltoleranse for mobbing, og at aktivitetsplikta for skulen er skjerpa. Eit anna moment er at lova slår fast at det er eleven si subjektive oppfatning i ei sak som skal vere det tonegjevande, og at skulen pliktar å sette i verk tiltak når ein elev vurderer at skulemiljøet ikkje er godt. Det er særleg ein av paragrafane i lova, den såkalla krenkeparagrafen, som vert oppfatta som problematisk.