«Tomtønner romlar mest». Dette ordtaket frå min oppvekst kom eg til å tenkja på ved ymse debattar i det siste om kriminalitetsproblem i Oslo. Det handla om bydelar og særleg at politiet er rådville og ikkje veit kva dei skal gjera for å få 150 unge gjengangarkriminelle ut av dei kriminelle miljøa. Dei som har arbeidd med slike problem tidlegare og dei som står oppe i dei i dag, har mange forslag til tiltak ut frå tidlegare røynsler og dagens kjennskap til situasjonen i deler av Oslo. Konferer berre det Marco Elsafadi skriv i Dagbladet 1. mai om røynsler frå ti år sidan. For byen handlar det om integreringsproblem blant unge og eit stort fattigdomsproblem i deler av Oslo.