REGELBROT: Arbeidstilsynet avdekte nyleg fleire alvorlege regelbrot under ein aksjon i industrien. Sidan 2000 har 90 tilsette mista livet på jobb i industrinæringa. Arbeidstilsynet meiner at mange maskiner utgjer ein reell ulykkesfare for tilsette i industrien. Under ein tilsynsaksjon i løpet av tre veker i februar og mars avdekte Arbeidstilsynet mangelfullt maskinvern mot rørlege delar i halvparten av tilsyna. – Dette er alvorlege funn. Utan vern er det lett å få fingrar og kroppsdelar inn i maskina. Dette er dessverre eit vanleg ulykkesscenario, seier direktør i Arbeidstilsynet Trude Vollheim i ei pressemelding.©NPK