I ein kronikk 9. april, kjem Mudassar Kapur frå Høgre med kritikk av at SV ofte stiller andre krav til forvaltinga av oljefondet enn «høyest mulig langsiktig avkastning». Det er underleg at Kapur, som medlem i finanskomiteen, og sikkert godt kjent med det som blir kalla «Retningslinjer for observasjon og utelukkelse fra Statens pensjonsfond utland», ser ut til å gløyme at Stortinget for lengst har vedteke at «premisset om høyest mulig langsiktig avkastning» skal fråvikast når investeringane vil medføre innblanding i kritikkverdige forhold (visse typer våpenproduksjon, brot på menneskerettar, alvorleg miljø- eller helseskade, grov korrupsjon, og som det står «andre særlig grove brudd på grunnleggende etiske normer»). Då er det pussig at Kapur meiner at «det vil bryte med så godt som alle prinsippene som oljefondets suksess er basert på», dersom eit forslag om å trekke fondet ut av «spillselskaper» blir vedteke.