Krisehandtering blir selt og kjøpt for store summar her i landet. Gode råd er som kjent alltid dyre, og når PR- og kommunikasjonsbyråa troppar opp med sine dresskledde avverjingsteam når alarmen går i både stat, kommune, private bedrifter, politikken og organisasjonar, går taksameteret i hundre. Blant saker det er brukt pengar på å krisehandtera nyleg, kjem metoo høgt på lista. Og her vil det også gå pengar på krisehjelp framover. Elles er jo som kjent Idretts-Norge i tet på interne kriser, mykje knytt til overdådig pengebruk på toppane.
