Anten nye Vika fylke vert noko av eller ikkje, finst det høve til å æra det gamle landskapsnamnet Vika (landet ved Oslofjorden) i namnet på ein nygamal institusjon. I staden for å døypa Høgskolen i Oslo og Akershus – som har studiestader i Oslo og på kvar side av byen – om til det galne OsloMet – storbyuniversitetet (sic), bør me smaka på namnet Universitetet i Vika (UiV), eventuelt det meir prangande Storbyuniversitetet i Vika (SiV). Ja, kva kan ikkje Kongen i statsråd få til når ein har tygd på det?