Metoo-rørsla har herja i norsk offentlegheit i fleire månader. No er vi komne til neste kapittel, der vi må gå frå dei mange tusen forteljingane til ein plan for tida framover. Marit Slotnæs seier det presist i Morgenbladet 27. januar: «det er en reell fare nå, for at metoo kan bli slukt av sin egen suksess». Norsk kvinnehistorie er full av forteljingar om tøffe kampar – og om framsteg. Men den har òg vist at progressive idear som får gjennomslag i ein kort periode, kan bli slått attende til start, og vel så det. Eit slikt døme finn vi i historia til haugianarane, Noregs første kristelege lekmannsrørsle.