I går tvitra Donald Trump at han vil dela ut falske nyhende-prisar for «uærleg, dårleg og korrupt journalistikk». Som ei oppvarming høver det å sjå PBS-produsenten John Maggios HBO-dokumentar «The Newspaperman: The Life and Times of Ben Bradlee». Filmen er opplagt laga fordi Trump sit i Det kvite hus. Bygget tronar i opningsbilde, medan vi høyrer Ben Bradlees røyst: «Folk i Washington lyg, og det er reporterar si oppgåve å fortelja allmenta sanninga.»