Det blir vel mykje av det same? Det var spørsmålet som kom i retur, då eg nyleg spurte ein venn, la oss kalla ho Eva, om ho hadde bestemt seg for kva ho skulle stemma. Og Eva er ikkje aleine. Både miljøvernarar, raddisar og kommentatorar tyr ofte til den gamle tesa om at det ikkje er nokon forskjell på Arbeidarpartiet og Høgre. Men om mange er einige om at Arbeidarpartiet og Høgre eigentleg er ganske einige, så er i alle fall Arbeidarpartiet og Høgre einige om at dei er ueinige.