Den utanrikspolitiske situasjon har i det seinare gjennomgått så vesentlege endringar at det må få følgjer for norsk sikkerheitspolitikk. Noreg sa i 2016 nei til å stø ein FN-resolusjon om å forby atomvåpen. Snart kjem ei avgjerd på om vi skal stø framlegget om å byggja eit rakettskjold i Europa. Modernisering av atomvåpen på amerikanske basar i Tyskland er under førebuing. USA utbetrar no radaranlegget i Vardø og byggjer i nærleiken eit nytt. Det er liten tvil om at desse anlegga vil vera viktige om rakettskjoldet vert realisert. Dette kjenner Russland seg truga av og vil reagera med atomopprusting.