Er det berre dei rike unge som har råd til å arbeida i kunstverda?

For ein del år sidan gjorde eg unna eit semester som utvekslingsstudent i Berlin, ein eviglang vår fylt opp av fire studiepoeng i tidleg italiensk renessansearkitektur her, seks poeng i kunst i det offentlege rom der. Då hausten omsider nærma seg, hadde eg ikkje lyst til å reisa tilbake til Oslo og Blindern, og byrja å sjå nærare på dei talrike annonsane som var hengt opp oppslagstavla på det kunsthistoriske biblioteket: Stilling ledig som galleriassistent! Bli praktikant hjå oss! Utsetja returen til Blindern eit halvt år, og få relevant arbeidserfaring i same slengen?