Statssekretær Ove Vanebo (Justisdepartementet) skreiv i Klassekampen måndag at eg gir uttrykk for «unødig bekymring» for politireforma, og viste til kronikken min i same avis 1. desember. Han meiner det er grunn til å vera trygg på at den såkalla nærpolitireforma vil gi eit godt resultat, trass i at mange lensmannskontor skal bli nedlagde, og at «ingenting er avgjort når det gjelder struktur». Så uttrykkjer han ein optimisme som berre sentraliseringskåte politikarar kan framvise: «Den gjennomgangen vi nå får blir et spennende og avgjørende element i suksessoppskriften for fremtidens politi.»