I Finnmark finst det ein merkeleg organisasjon. Den kallar seg EDL – Etnisk og demokratisk likeverd og har sett seg som mål å «prove» at samar aldri har vore undertrykt eller diskriminert av det norske storsamfunnet, men at det derimot er den noverande offisielle samepolitikken som diskriminerer ikkje-samar. Denne organisasjonen blir leia av Jarl Hellesvik, som no vier heile det politiske engasjementet sitt til å gå til åtak på samepolitikarar og på dei sigrane samane har oppnådd i dei siste tiåra.