«Den store kommunikatoren» var dei bitre og ironiske orda Thorbjørn Jagland brukte om Jens Stoltenberg, etter at han hadde tapt den lange og brutale personkampen mellom dei to i 2002. To år tidlegare hadde Jagland vorte pressa til å trekke seg som Aps statsministerkandidat. Kritikarane hans meinte at Jens Stoltenberg var ein langt betre kommunikator, og målingar viste at Ap ville få fleire hundre tusen nye veljarar med eit skifte. Ap fekk delt leiarskap, og kort tid etter vart sentrumsregjeringa felt.