I denne månaden, før Stortinget tek ferie, skal representantane røysta over regjeringa sitt forslag om å leggja Finanstilsynet inn under EU. Farane med dette vedtaket er vel beskrive av fleire faglege tungvektarar. Det største skiftet blir at bankkriser vil bli handterte etter «EU-metoden»: Medan norsk finanspolitikk i dag prioriterer å sikra folk sine sparepengar ved ein bankkonkurs, vil ein under det nye regimet prioritera å sikra finanskapitalen mot tap. Prisen vil måtta betalast av skattebetalarane og bankinnskytarane, og oljefondet vil også stå i fare for å bli tappa.