•«Latteren gjaller fra Egersund i sør, via Kristiansund i vest, og helt nordover til Hammerfest», skriv Skjalg Fjellheim i Nordlys om den ufrivillige komikken som dei siste vekene har omgitt det raudgrøne byrådet i Oslo. Hovudårsaka er ein forbløffande mangel på fingerspisskjensle frå ein ringrev som Raymond Johansen, men stemningsbølger får sin eigen dynamikk. No ser ei populistisk høgrefløy sjansen til å trakke Miljøpartiet Dei Grønne (MDG) ned i grusen, helst for godt, sidan dei er så frekke å utfordre bilismen. Nettavisen, med landets mest forstokka kommentarfelt og den ikkje stort meir vidsynte Gunnar Stavrum som sjefredaktør, står fram som kampanjeorgan.