Kommunistpartiet er den største trusselen mot «det norske folks frihet og demokrati», slo Einar Gerhardsen fast da han i februar 1948 tala til partifellar utanfor Fredrikstad. Kråkerøy-talen var eit brutalt oppgjer med Norges Kommunistiske Parti og i realiteten også med Sovjetunionen. Talen vart eit historisk vendepunkt som la grunnlaget for norsk Nato-medlemskap. Dessutan var dette Gerhardsens personlege farvel til sine eigne kommunistiske kameratar og radikale ungdomsdraumar.