Eg vil byrja med eit barndomsminne: Eg var seks år og på veg inn døra til barnehagen, og dette må ha vore i januar 1980. Før eg er ute inne i fellesrommet høyrer eg ei klår og kontant melding frå ein av dei andre gutane: «Jeg håper Norge boikotter OL i Moskva!» Den meldinga frå ein annan seksåring kom så tydeleg at eg aldri gløymde det. Den sovjetiske invasjonen i Afghanistan var ikkje meir enn ein månad gamal, og problemstillinga vart kanalisert av ein oppegåande seksåring i ein norsk universitetsbarnehage.