Nyleg var det på høyring ein reguleringsplan om nyopning av Sulitjelma gruver som omfattar utpumping av seks millionar kubikkmeter sterkt forureina gruvevatn utan reinsing, direkte i Langvatnet, og vidare ut i Skjærstadfjorden. Reinseanlegg blir sett på som alt for kostbart. At det i det heile er mogleg å fremje ein slik plan i fullt alvor, må bli sett på som eit uttrykk for kor låg næringa oppfattar den nasjonale standarden for miljø og forureining å vere.