Då venninna mi og eg sto i grensekontrollen til USA skjedde det: Venninna snakka med vakta då eg såg henne få eit perplekst uttrykk i ansiktet. Vakta vinka meg bort, venninna mi gjekk vidare. «I was just telling your girlfriend how she looks much better without so much makeup on, like in her passport photo», sa han og blinka til meg. I situasjonen blei eg nesten like månebedotten som venninna mi. What the fuck, hadde eg lyst til å seie, men det kan du liksom ikkje seie til ein amerikansk grensevakt, så eg haldt munn.