Tidlegare forsvarssjef Sverre Diesen og fleire andre peiker på at bakkekrig må til for å nedkjempe IS i Syria. Berre forsvarsstyrkane i Rojava har klart dette hittil. Rojava er det kurdiske området lengst nord i Syria som sia 2012 har bygd opp eit tverrkulturelt, sekulært sjølvstyre. Desse forsvarsstyrkane (YPG og YPJ), som òg er tverrkulturelle, jaga IS ut av den kurdiske grensebyen Kobanê for snart eit år sia. I juni frigjorde dei grensebyen Tal Abyad der kurdarane er ein av minoritane. Dermed kutta dei den viktige forsyningslinja frå Nato-landet Tyrkia til Raqqa, «hovudstaden» i IS-kalifatet.