Takk til Marianne Marthinsen for reaksjon! Eigenleg er eg litt lei meg for at eg skulle bry akkurat henne med denne saka, men det fall seg no slik. Eg har opplevt det same som ho, at ordbøkene forklarer «skivebom» heilt i tråd med den bruken som er blitt så godt som einerådande. Og om eg skriv til Språkrådet, går eg ut frå at dei vil seie akkurat det, og at bruken derfor må aksepterast. Eg er såpass språkmann av utdanning at eg er klar over dette, og at språkfeil ofte blir korrekt språk etter ei tid.