«Regjeringsslitasje», skriv enkelte etter det elendige kommunevalet til Høgre og Fremskrittspartiet. Det må i så fall vera rekord – slitasje for ei regjering som ikkje har rekt å legga fram meir enn eitt einaste eige statsbudsjett? «Dette har ingenting med regjeringas politikk å gjera, resultatet må forklarast ut frå ulike forhold i dei forskjellige kommunane,» sa Erna Solberg. Ho har rett i at det var kommuneval, men det nyttar ikkje å bortforklara den kraftige tilbakegangen til regjeringa. Erna er optimist og trur veljarane vil komma tilbake når dei oppdagar kva regjeringa får til. Sanninga er den motsette: veljarane flyktar frå Høgre og Fremskrittspartiet nettopp fordi dei oppdagar kva regjeringa får til.