Stadnamna skal me ha vørdnad for. Det skjer ikkje støtt, dessverre, ikkje ein gong i Stortinget. Den nye stadnamnlova som fleirtalet banka gjennom før sommarferien, gir grunneigarar (altså private!) rett til å fastsetja skrivemåten av gardsnamnet sitt. Lova slår fast at eigaren «har rett til å fastsetja skrivemåten dersom han kan dokumentera at skrivemåten har vore i offentleg bruk som bruksnamn».