Dansk litteratur er styrt av flinke piker, som promoverer kvarandre og skriv navleskodande bøker utan interesse for verda ikring seg. Beviset for dette er at Danmark så vel som dei sjølvstyrte områda Grønland og Færøyane utelukkande har nominert kvinner til Nordisk råds litteraturpris i år. I grove trekk er det denne påstanden, sett fram av ein ung og til nå ukjent debattant, som har skapt det offentlige rabalderet som har rast i vårt flate naboland i sør dei siste vekene.