I slaget ved Austerlitz den 2. desember 1805 sigra Napoleon med La Grande Armée over austerrikarane og russarane. I Wien laut keisar Frans gjeva frå seg fleire landslutar åt Frankrike og dei tyske statane, og noko av det han tapte åt Napoleon var Dalmatia ved Adriaterhavet og vidare mot nord med Laibach (Ljubljana) og Trieste som etter tur vart styringsbyar. Inne i landet vart storelvi Sava sett til å vera grense. Franskmennene kalla desse landslutane for Dei illyriske provinsane.